Pelegrinazhi i përqëndruar tek teksti dhe kujtesa: Lapidari në Qukës-Pishkash

Qëllimi ynë në këtë artikulli është të kontekstualizojmë lapidarin në Qukës–Pishkash, Librazhd, në kuadrin e rrethanave politike e sociale të kohës kur ai u krijua si dhe ato që vijuan.Nëpërmjet kësaj synojmë, pikë së pari, të prezantojmë monumentin; së dyti, të provojmë se lapidarët nuk ishin monumente statike por pika referi-mi për jetën socio-politike në qendrat e rajoneve dhe të vendit; së treti, do të përpiqemi të tregojmë se si regjimi komunist në Shqipëri, që e kuptonte rëndësinë e pele-grinazhit në praktikat fetare, tentoi të themelonte një fe politike nëpërmjet lapidarit në Pishkash, një pelegrinazh që përqendrohej tek teksti dhe kujtesa për të përkujtuar marshimin e dimirit të 1943–4 të Brigadës së Parë Sul-muese në zonën malore të Çermenikës, Librazhdit, Gramshit dhe Korçës, gjatë Luftës Antifashiste Nacio-nalçlirimtare të vendit. Për këtë arsye, kemi mbledhur të dhëna faktike dhe empirike rreth monumenteve dhe i kemi kombinuar këto me të dhëna socio-antropologjike nga studimi i pelegrinazhit